पंच तत्वाची रंग पंचमी

फिरुनी झाले रंग आले फिरुनी आली पंचमी 
विसरुनी गेले होते सणाला या देशीचे आदमी  
पुन्हा नवाळी फुटो वसंत उत्सवा या देशीच्या 
रंग घ्या शोधूनी आपण आपल्या आवडीच्या  
संग शोधू रंग घेउनि  दंग होऊ या जगतात  
आरपार रंग त्वचेच्या दुसरे रंग मिसळू द्या 
कोण आपण कसे होतो ते जसे तसेच राहू द्या 
सर्व रंगाचा एक काला रूप एकरूप होऊ द्या 
अवघे रंग एक होता दुजेपणा विसरुनी जा 
मित्र गोत्र नाती जाती मूळ ओघात येऊ द्या 
होऊ दे विराट माणूस विराट एकवट होऊनी 
तसाच असेल विराट पुरुष नि विराट जननी 
बनवत जाती प्रजाती ची नवनवी निर्मिती