जगात आहे , जगच आहे

जगात आहे , जगच आहे , जगत आहे, जम्मत आहे  | १
कालचा काल कालच सरला आठवणीत गम्मत आहे  | २
उद्याचा उद्या उद्याच येईल याची फसवी खातरआहे | ३
विश्वाच्याहि विश्वासाला अविश्वासाची  झालर आहे | ४
सर्वत्रगम स्थिर अवकाशाला माझेपणाची कातर  आहे | ५
विश्वाला घर एक मानले तरी खोल्यांमध्ये अंतर आहे | ६
हर दालना विभा विभागुनी नेमुनी दिधला वापर  आहे | ७
जोडुनी कोंडुनी आपुली करुनी केलेला अति विस्तार आहे ।८
जन्मा आली जंगली मेली आपुलाच सर्व अंतपार आहे ।९
रहिवासी , घरे बदलली तरी गजबजआणि वावर आहे ।१०
घरे नांगरली नगरे उठवली शासन तरीही निडर आहे ।११
त्यांचाही क्रम कधीतरी आहे नवमातीचा एक थर आहे ।१२
कशासाठी उठाठेव चाले हि कोणाचीदुनियेक करमणूक आहे ? । १३
हो मोकळा भाव मनीचा करुनी जे कधी संपणार आहे । १४

ऋणनिर्देश  : गझल : दुनियामे हूँ दुनियाका तलबगार नही हूँ