Dr. सतीश वैद्य  
स. न. वि. वि ,

एक शब्दरूप अनुभव 

दिधला हातात जेंव्हा कोमेजलेला श्वास ।

फुंकेल प्राण तेंव्हा धरुनी दृढ विश्वास ।। १।।

येऊ घातला कानात आतला अस्पष्ट नाद ।

कोण कोठूनी  कळेना घालीत होते साद ।।२।।

पाहतां पाहणें सोडीत होते नेत्र ।

जाणीव नेणिवेत फिरत होती गात्र  ।।३।।

भार्या सुपुत्री मित्र संबधी देत हाक ।

आश्वासित होती येणार देवदूत एक ।।४।।

घेऊनि वैद्य रूप तो देवदूत आला ।

पाठीवरी फिरुनी विश्वात जीव आला ।।५।।

काही उपकार कधीही नसतात फिटावयाचे  ।

कधी ना थांबो जाळे उपकार वीणावायचे  ।।६।।

धन्यवाद 

अरविंद खरे 
दि. २८ जानेवारी २०१९