मोहवी लोभवी लाघवी हवी हवी लाघवी हवी हवी ।।धृ ।।
आंबटगोड चघळीता मध्यकाळ लोपवी ।। १ ।।
वाटे हे तर कालचे इथेच घेतले घ्यायचे ।
हसविता रडवायचे रडविता हसवायचे ।।२।।
शहाणपण मिळवायचे मिळवता सोडायचे ।
आयुष्यास भिडायचे सजग जग जगायचे ।।३।।
मुले आली मुले गेली मुले येतच राहिली ।
अखंड ओघीं वाहिली विद्यादानी सुखावली ।।४।।
मुले वाढली मुक्त जाहली पंख पसरुनी झेपावली ।
पिढ्यानपिढ्या हिने मात्र माती जपली आपुली ।।५।।
जीर्ण झाली फिरुनी बांधली पूर्वीची स्मृतीत गेली ।
काळ किती सरुनी गेला ओढ हिची ना संपली ।।६।।
जिंकूनि जगास यावे नी कुशीत शिरूनी निजावे ।
मनमाजघरी आजीपरी सतत शाळेने असावे ।।७।।
मनमाजघरी आजीपरी सतत शाळेने असावे ।।७।।
मोहवी लोभवी लाघवी हवी हवी लाघवी हवी हवी
No comments:
Post a Comment